Kaz Kanat Notalar

КАЗ КАНАТЫ
(ГУСИНОЕ ПЕРО)


1.

Каз канатларын эзләргә
Төштем су буйларына.
Су буйларында йөргәндә
Син генә уйларымда.

Кушымта:

Каз канат какканда,
Бадьян чәчәк атканда
Исләремә төшәсең лә,
Сызылып таңнар атканда.

2.

Каз канатларын санадым
Тезелеп кагынганда.
Тулган айларга карадым
өзелеп сагынганда.

Кушымта.

3.

Каз канатын кагынганда
Мамыкларын җил ала.
Яшь вакыттагы мәхәббәт
Мәңгелек булып кала.

Кушымта.

4.

Каз канаты кат-кат була,
Ир канаты ат була.
Чит җирләрдә бик күп йөрсәң,
Сөйгән ярың ят була.

Кушымта.

5.

Каз канаты каурый-каурый,
Хатлар язарга ярый;
Уйнамагач та көлмәгәч,
Бу дөнья нигә ярый?

Кушымта.