АЛЛАРЫН АЛГА МАНАМ
Татар халык җыры
Китəм, дисең, китəм, дисең,
Китəм, дисəң, кайларга?
Нилəргə сабыр итмисең
Тагын бер-ике айларга?
К у ш ы м т а:
Ал чия төплəрендə,
Гөл чия төплəрендə.
Сулар сибеп үстерəлəр
Тəрəзə төплəрендə.
Алларын алга манам,
Гөллəрен гөлгə манам.
Иркəм китə еракларга —
Сөю утында янам.
Дулкынланып сулар керə
Пароход идəненə.
Ышанмагыз егетлəрнең
Яратам дигəненə.
Китəм, дидең, читкə киттең,
Чит иде телəклəрең.
Инде хəзер чит җирлəрдə
Өзелер үзəклəрең.
К у ш ы м т а .
Стенада сəгать йөри,
Саный минут исəбен.
Кай җирлəрдə йөри икəн
Минем алма кисəгем?!
К у ш ы м т а .
No comments:
Post a Comment